ЖИГAPНИНГ НOAЛКOГOЛЛИ ЁҒ КACAЛЛИГИНИ ТАШХИСЛАШДА ЭЛАСТОГРАФИК ВА МОРФОЛОГИК ЁНДАШУВЛАР

Аннотация

Кириш. Замонавий адабиётлар таҳлили шуни кўрсатадики, жигapнинг нoaлкoгoлли ёғ кacaллиги бизнинг давримизнинг етакчи муаммоларидан бири бўлиб бормокда. ЖССТ маълумотларига кўра, ҳозирги вақтда дунё бўйлаб ҳар 8-10- киши гепатоздан азият чекмоқда. Ушбу тадқиқотда касалликни ташхислашга қаратилган ноинвазив эластография ультратовуш текшируви ва морфологик текширувларга эътибор қаратилган. Иккала текширув усуллари натижалари таҳлил қилинган ва таққослаб кўрилган.

Мақсад: жигар ёгли гепатозларини ташхислашни эластография ва морфологик текширув усуллари ёрдамида яхшилаш.

Материаллар ва усуллар. Ушбу тадқиқот иши 216 нафар беморни кенг қамровли текшириш натижаларини ўз ичига олган ЖНЁКга шубҳа қилинган ёки клиник жиҳатдан аниқланган: 95 нафар (44,9%) эркаклар ва 121 нафар  (56%) аёллардир. Улардан 49 нафари соғлом кишилар бўлиб назорат гурухини ташкил этади. 167 нафари эса касалликнинг турли оғирлик даражалари билан оғриган беморлар бўлиб асосий гурухни ташкил қилади.

Натижалар. Касалликнинг енгил даражасида 2D SWE нинг сезувчанлиги 61,5%, ўзига хослиги 75,6% ва диагностик аниқлиги 70,1% ни кўрсатди. ЖНЁКнинг оғир даражасига келиб эса 2D SWE нинг сезувчанлиги 91,4%, ўзига хослиги 80% ва диагностик аниқлиги 88,9% га етди.

Хулоса. 2D SWE эластографияси каби инновацион ультратовуш технологиясидан фойдаланиш ЖНЁКда жигар фиброзини эрта ташхислашда тубдан янги имкониятларни очади ва морфологик текширувга қарши кўрсатмалар бўлганида унинг алтернативи сифатида қўлланилиши мумкин.